सातबारा उताऱ्यावर आधारित डिजिटल पीक नोंदणी – ५० मीटर नियम समजून घ्या…

E-crop inspection : केंद्र सरकारच्या सूचनेनुसार महाराष्ट्र राज्यात खरिप हंगामातील ई-पीक पाहणी आता पूर्णपणे डिजिटल क्रॉप सर्व्हे अ‍ॅपद्वारे केली जात आहे. भूमी अभिलेख विभागाने हा निर्णय घेतला असून, शेतकऱ्यांनी स्वतःच्या मोबाईलवरून अ‍ॅप वापरून सातबारा उताऱ्यावर नोंद असलेल्या पिकांची नोंदणी करायची आहे.

☘️ नोंदणी कालावधी: शेतकरी स्वतः १ ऑगस्ट ते १४ सप्टेंबर दरम्यान ई-पीक पाहणी करू शकतात.

☘️ फोटो घेण्याचे नियम: पिकांचा फोटो शेतीच्या गट क्रमांकापासून ५० मीटरच्या आत घेणे आवश्यक आहे. अ‍ॅप GPS वापरून फोटोची योग्यतता तपासतो.

☘️ अ‍ॅप वापरण्याची प्रक्रिया:

➡️Digital Crop Survey अ‍ॅपचे व्हर्जन 4.0.0 वापरावे

➡️अ‍ॅप Google Play Store वर उपलब्ध आहे

➡️ मोबाईलमध्ये इंटरनेट आणि GPS चालू असणे आवश्यक

➡️ सहायकांची मदत: प्रत्येक गावासाठी एक पीक पाहणी सहायक नेमण्यात आलेला आहे. शेतकऱ्यांनी स्वतः नोंदणी पूर्ण करावी, पण अडचण आल्यास सहायकांची मदत घेता येईल.

➡️सहायक स्तरावरील नोंदणी कालावधी: १५ सप्टेंबर ते २९ ऑक्टोबर दरम्यान सहायक उर्वरित क्षेत्राची नोंदणी करतील.

➡️ या योजनेचे फायदे:

☘️ शासनाला खरीप उत्पादनाचे अंदाज अचूकरीत्या मिळतात.

☘️  शेतकऱ्यांना विमा, अनुदान व सरकारी योजनांच्या लाभासाठी योग्य माहितीचा आधार मिळतो.

☘️ पीक नुकसानीच्या वेळी मदतीचे प्रमाण निश्‍चित करण्यास मदत होते.